Bawat
kanta may kwento. Bawat linya nito may ibig sabihin. At bawat tugtog ay may
nais ipahiwatig. Ang buhay parang musika, makahulugan, minsan masaya pero
kadalasan napalalungkot, minsan maganda ang katapusan pero lagi naming bitin.
Merong nagpapangiti, nagpapaiyak, higit sa lahat ito ay nagpapaalaala saten sa
nakaraan. Kung pano tayo nasaktan at nagkaroon muli ng pag-asa. Sa tuwing nakikinig
tayo ng mga kanta masasabi naten sa sarili naten na sana tayo na lang yung nasa
ganong sitwasyon lalo na kung puno ng inspirasyon ang nais nitong iparating.
Lahat
ng tao may kanya kanyang paborito pagdating sa musika kasi ito yung sumisimbolo
sa kwento ng buhay naten, yung kahit mag isa ka
lang pero sa tuwing pinapakinggan ramdam mo na di ka nag iisa and you feel at ease. Aminin man naten o
hindi pero lahat ng naririnig nateng kanta ay may aral saten, aral na sana
noong una pa lang ay alam na naten pero di naman naten malalaman kung di naten
naumpisahan at kung di naten tatapusin. Hindi bas a bawat kanta ay may isang
tao tayong naaalala? Kasi ito yung taong minsan na ring naging parte ng buhay
naten, binigyang halaga at tumatak sa puso’t isipan naten. Sa magagandang
memories na naiwan nya na tanging kanta lamang ang nagpapaalaala.